وقت اللعب

العاب بيبيهات من 6-18 شهر

هبتدي البوست دة بقصتي لما جبت النونو بتاعي… فضلت اشتري في لعب و عضاضات و اشي بيبرق و اشي بينور و اشي بيعمل صوت و كل دة طبعا لازم يكون غالي و ماركة “قنعرة فارغة الصراحة”………. و اروح البيت عشان اديله اللعبة اللي فاكرة بقى انه هيفضل يلعب بيها طول النهار و يريحني بس للاسف دة عمره ما حصل غالبا مكنش بيهتم باللعب خالص و لاحظت حاجة عجيبه… لقيته بيسيب اللعبة و يمسك في الكرتونة….. و انا اتغاظ طبعا

المهم عشان مطولش عليكم وصلت في الاخر لاستنتاج عبقري…….. الاطفال مهتمين بالحاجات الواقعية اكتر، بيتشدوا للمعلقة اللي بتمسكيها اكتر من العلقة البلاستيك اللي بتديهاله حتى لو كانت غالية جدا و عليها الوان و رسومات

من ساعتها و انا بدات اقدمله حاجات من البيت بس المهم تكون امان و لاقيته اخيرا بيتجاوب معايا اكتر……. النهاردة هحط صور لبعض الحاجات اللي الاطفال بتهتم جدا بيها

باسكت فيه حاجات من البيت 

شرايط ملونة، كور، علب مقفولة،…………..

علبة مناديل

الولاد بيحبوا جدا يفضوا علب المناديل… خليهم يستمتعوا باللعبة دي مرة واحدة بس عشان الظروف الاقتصادية و بعدين شيلي المناديل في مكان عالي

لعبة المراية

بداية الاهتمام بالنفس هي الفرجة على المراية و كل الولاد بيحبوا يشوفوا نفسهم في المراية و يشوفوا حركاتهم

لما الطفل يكبر شوية خليه يمسك المشط و يتفرج على نفسه و كمان كل ما يلبس حاجة حتى لو لبس بيت او حاجة مش جديدة فرجيه على نفسه في المراية و قدمي تعليقات حلوة زي: ايه الجمال دة… شوف الحلاوة… كدة يعني

الترتيب

ممكن تستغلي اللعبة دي عشان توصلي مفهوم اكبر و اصغر للطفل

خليه يحط حاجات جوة بعض و يطلعهم تاني… هتشغله وقت طويل على فكرة

ممكن كمان تعمليله برج بالكوبايات زي البوست هنا

دي بس كانت مجرد امثلة و على الام و الاب انهم يبدعوا و يفكروا في حاجات جديدة… جربوهم مع اولادكم و عرفونا ايه الاخبار

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s