وقت اللعب

طريقة لعبة لتعليم الاشكال و الارقام من الكارتون

احنا صحيح بقالنا اسبوع مش بننزل مقالات هنا بس الحمدلله الصفحة على الفيسبوك شغالة تمام

بقالي فترة معجبة جدا باللعبة دي و عايزة اشتريها بس كنت مستنية ابني يوصل لسن مناسب عشان نشتريها و بعدين فكرت اني اعملها بالكرتون زي اللي في الصورة و بدأت فعلا و عايزاكم تشوفوا الطريقة معايا

الخامات

ورق كارتون سميك

الوان او ورق ملون ستيكر

اسياخ خشب

غراء

مقص

الطريقة

هنبتدي باننا نقص الكارتون بالحجم اللي تفضليه

و بعدين غلفته بورق ملون ستيكر ” بيتشرى من المكتبات و اسمه و رق أشغال” و رخيص خالص

و بعدين قطعت ورق كرتون بالاشكال اللي في الصورة

 بعد كدة نرسم الاشكال دي على ورق الكرتون الكبير عشان نحدد اماكن الاشكال

انا حبيت اني اخلي كل شكل ليه لون منفصل و عشان كدة لزقت على الكرتونة الكبيرة و على الاشكال لون خاص بكل شكل زي الصورة دي

و كمان حددت مكان الخروم اللي هعملها في كل شكل

 دلوقتي نخرم الاشكال بخرامة أو مفك أو اي حاجة تناسبك و بعدين حطي كل شكل على صورته اللي في الكرتونة الكبيرة و علمي مكانها ” عشان تحددي اماكنهم صح”

اخر حاجة بقى قصي سيخ خشب لقطع صغيرة متساوية و ممكن تستخدمي اي حاجة تانية عادي و اغرزيه في العلامات اللي عملناها في الخطوة اللي فاتت  في الكرتونة الكبيرة

عشان تضمني ان السيخ ثابت تمام اغمسية في غراء ابيض من اللي بيتباع في محلات الدهانات و رخيص خالص برضه

كدة القطع هتثبت اكتر

و استمتعي باللعب الهادف مع طفلك و مع كل مرة يمسك فيها شكل متنسيش او متنساش تقولي اسم الشكل و لونه و عدد الخروم اللي فيه عشان ننمي مفردات اللغة

اللعبة دي مناسبة من سن سنتين لحد 3 او 4 سنين ان شاء الله

اعملوها و قولولنا هنا أو على الصفحة 

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s