وقت اللعب / عبقرينو

زجاجات الاكتشاف من سن 3 شهور و لحد 4 سنين و اكتر كمان

زجاجات الاكتشاف هي نشاط جميل جدا موجود في كل طرق التربية الحديثة تقريبا زي المونتسوري و غيرها

الظريف في الموضوع دة ان طريقة عملهم سهلة جداااااااااااا و بيفضلوا عندك فيالبيت سنين و اكتر كمان دة غير انك ممكن تغيري فهم و تبدعي في استخدامهم بالشكل اللي تحبيه

و من الميزات الحلوة برضه ان كل الاطفال من عمر 3 شهور لحد 4 سنين و اكتر كمان ممكن يستخدموهم بطرق مختلفة يعني انا مثلا كنت عاملة واحدة لابني و هو عنده 6 شهور تقريبا و لسة لاعبين بيها امبارح و هو عنده سنة و نص ما شاء الله

كل اللي هتحتاجيه هو زجاجات بلاستيك فاضية و حاجات ممكن تدخل فيها

دلوقتي هعرضلكم مجموعة من الافكار اللي ممكن تستخدموها

جلسرين مع جليتر الوان

…… خلي الطفل يهز الزجاجة جامد و يراقب الجليتر و هو بيهدا

العاب لتنمية الاطفال

جل شعر و بلي

العاب تنمية اطفال

حيوانات مستخبية في ورق مقطع

لازم الطفل يفضل يقلب كتير عشان يعرف يشوف الحيوان

العاب لتنمية ذكاء الاطفال

زجاجة جواها رز

تحفة للبيبيهات عشان هيستخدموها على انها شخشيخة و مممكن تحطي بلي كمان

العب لتنمية الاطفال

زيت و مية

دي مفيدة عشان الطفل يعرف انهم مش بيمتزجوا و حتى لو امتزجوا فبعد شوية وقت هينفصلوا تاني

تنمية ذكاء الاطفال

مية و صابون

الاطفال بيفرحوا اوي بالفقاقيع بتاعة الصابون و هيفضل يرج عشان يشوفهم

تنمية ذكاء الاطفال

دي كانت مجموعة افكار كدة و لسة فيه تاني كتير جدااااااااا

ملاحظة مهمة اووووي:

لو الطفل اكبر من سنة و نص او بيعرف يفتح الازايز لازم تحطي غراء او صمغ على الغطاء قبل ما

تقفلي الزجاجة عشان تمنعي اي حاجة وحشة لا قدر الله

جربوهم بقى و عرفوني ايه رايكم

 

 

 

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s