عبقرينو

اسهل تجربة في البيت… ايه بيغرق و ايه بيطفو

دي أول تجربة هنتكلم عنها هنا في عبقرينو  و عشان كدة حبيت اختار تجربة سهلة جدا و ممكن نعملها في البيت

احنا لما بنسمع كلمة تجربة بنخاف و نفتكر اننا هنهدل البيت او هنضطر نشتري حاجات كتير.. لكن تجربتنا النهاردة سهلة و بسيطة و ممكن كلنا نعملها من غير ما نشتري اي حاجة

السن المناسب عشان يفهم التجربة : حوالي 3 سنين لكنك ممكن تلعبيها مع

البيبيهات حتى من سن سنة على انها لعبة ظريفة زي اللي موجودة هنا

عشان ما اطولش عليكم هنبتدي بالمكونات

كروانة او جردل أو البانيو بتاع البيبي  ، مجموعة العاب او حاجات من البيت “جزء منها يكون بيغرق لو اتحط في المية و جزء يكون بيطفو” زي ملعقة ، سفنجة، لعبة تقيلة، بلي، و هكذا……….

طريقة اللعب

املي البانيو بالمية و حطي الالعاب على جنب في باسكت او على الارض و يفضل مكان ممكن يتمسح بسهولة

خلي ابنك او بنتك ياخدوا لعبة لعبة و يحطوها في المية عشان يشوفوا هتغرق ولا هتعوم على وش المية

تنمية ذكاء الاطفال

قبل كل مرة يحطوا فيها لعبة خليهم يخمنوا اذا كانت هتطفو ولا تغرق 

استمري لحد ما الالعاب كلها تنزل و بعد كدة اشرحيلهم بسرعة مبدأ الكثافة و ان الحاجات التقيلة او اللي كثافتها اتقل من المية بتغرق و العكس صحيح

تنمية ذكاء الاطفال

و بكدة التجربة خلصت و انتي بقى تمسحي الارض عشان تبقى جميلة و خلاويص

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s