وقت اللعب

المية …….شقاوة وطراوة وكمان تعليم :)))

طبعا معظمنا دخل المدارس

بس فكرنا نعمل للاطفال الصغيرين اللى لسه مدخلوش المدرسة الاسبوع دا بعض الالعاب الجميلة بالمية

طبعا الاسكندرانية اللى زى حالتنا بيحبو الوقت اللى المصيفين فيه بيمشو عشان هما يستمتعو بالبحر

المية من اهم وسائل المتعه للصغيرين وللكبار

فعلا بجد الواحد معاها بيحس بانتعاش فظيع

عشان مطولش عليكو

جبتلكو النهارده 3 العاب جميله للمية

 

اول لعبه

 

لعبة اضرب المية

 

 6 اطفال

طبق بلاستيك كبير

وهنحط جواه ميه

الاولاد هيقعدو دايرة حوالين الطبق ونبدأ فى العد

1-2-3-4-5 و السادس

هو اللى هيضرب ايده فى المية

كل الاطفال التانيه هتكون حاطه ايديها فوق راسها

وتدور اللعبة على كل طفل

اللعبه دى بتعلم الاطفال الصبر

من حيث انهم مستنين الضربة ومستنين كمان دورهم

 

لعبه ممتعه وجميله

 

تانى لعبة

ماتبلش القرش

الادوات

اطباق بلاستيك-

مجسمات اسماك قرش عن طريق العاب بلاستيكية على شكل السمكة او كرتون مقصوص على شكل سمكة-

بالونات مليانة مية- 

 

هنعلق على الحيطة الاطباق وسمك القرش

هنكتب على الاطباق البلاستيك والبالونات الميه بالوان فلومستر حروف

وكل طفل هيكون معاه بالونه مايه مكتوب عليها حرف

الهدف ان كل طفل يحاول ينشن على الطبق الصح

يعنى الحرف اللى مكتوب على البالونة يطابق اللى مكتوب على الطبق 

ونبدأ بطفل طفل

وكل الاطفال بصوت عالى تقوله متبلش القرش متبلش القرش

اللعبه دى بتعلم اصابة الهدف وكمان تعليم كتابة الحروف بطريقة ممتعه

 

القرش لدغ كوبايتى

اللعبة دى معظمنا كان بيلعبها زمان بس اضفنا عليها شوية تطورات

فريقين كل فريق مكون من 3 افراد على الاقل

ازازتين ميه

2 كوباية بلاستيك

2 جردل كبير

 

هيقف الفريقين على مسافة متساوية من البداية والنهاية

البداية هيكون فيها ازازة الماية والمتسابقين والنهاية هيكون فيها جردل ميه لكل فريق

كل واحد هيشيل على راسه كوباية كبيرة بلاستيك وهيحط فيها الميه

الجديد بقى ان الكوباية هنخرمها والاطفال يقعدو يقولو القرش خرم كوبايتى القرش خرم كوبايتى

والفريق الكسبان طبعا هو اللى هتكون الميه بتاعته فى الجردل عاليه بعد الوقت المحدد

اللعبة دى بتعلم التعاون والتنظيم والسرعة والتركيز

 

العاب المية جميلة وممتعه

 

ومسلية للكبار قبل الصغار

 

نشوفكم فى العاب جديدة تانية ممتعة  وشقية 

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s